Tag: sante

ATANSYON W AP TOUFE M
Atik, Edikasyon, Jeneral, Lavi, Siperasyon Pèsonèl

ATANSYON W AP TOUFE M

Nan jou sa yo mwen aprann ke se pa tout bagay ki renmen pou w ba yo atansyon, yo pa bezwen ou pran swen yo, yo pa bezwen ou enkyete w pou yo. Yo jis bezwen ou kite yo yon kote kote yo ka pran lè, epi wap admire yo san w pa fè gwo efò pou yo..M fè eksperyans lan avèk yon ti plant yo fè m kado, ti plant piti ke yo rele "sikilan" yo, plant sa yo delika, yo chak gen yon fason pou w pran swen yo, men mwen m te jis ap eksperimante paske m pa twò konn kisa ki tap bon pou li, m chèche sou nèt la pou m wè kòman poum pran swen l men m pa fouti jwenn enfòmasyon sou li ke sa, ki vin fè m di banm eseye.Mwen te konn mete l deyò chak jou pou l pran ti solèy, wouze l, apre mwen antre l, m wè ke li gen kèk ti fèy ki tonbe, m vin di ebyen li do pa renmen solèy, m kitel andedan pou yon tan, kote...
BLOKE MANTALMAN
Atik, Edikasyon, Jeneral, Sante, Siperasyon Pèsonèl

BLOKE MANTALMAN

An nou pale de bloke mantalmanDaprè eksperyans mwen epi sa mwen tande nan moman m remake anpil moun ap eksperimante yon "blokaj mantal", kòman m ka eksplike sa?Anpil moun lakay yo, anpil moun gen plis tan lib oubyen vin gen tan lib nan moman, men tan sa li vin pa itil yo anyen, yo vin plis bloke,oubyen paka fonksyone, se tankou yo sou yon poz, kote yo pa vle fè anyen oubyen envesti nan anyen ankò, y ap tann lè yo mete tout aktivite ki te konn genyen yo an mach. Ki vin fè m panse moun sa yo sou pon poz mantal oubyen yo bloke mantalman.Epoutan moman sa se kote nou tout ta sipoze pran opòtinite sa pou fè yon aktivite, mete lavi nou a jou, aprann sou yon sijè ke nou te anvi aprann depi lontan, pran swen tèt nou; relasyon koup ki t ap kraze yo ka pran yon lòt nivo, kote gen tan ...
FÈ ABITID OU TOUNEN YON FÒS POU REYISIT OU
Jeneral

FÈ ABITID OU TOUNEN YON FÒS POU REYISIT OU

Yon lane fèk tanmen, yon deseni tou nèf. Ou ta renmen  gen yon pi bèl vi e gen pi bon rezilta nan domèn ou. Sèl bagay ki ka few reyalize rèv sa oubyen anpeche w, se abitid ou. Abitid se sa ou fè, jan ou konpòtew oubyen panse chak jou. Abitid ou defini bonè w ak malè w, li gen gwo pwa lou sou avni w. Abitid ou se ou menm menm.Malerezman ou paka efase move abitid ou yo, men ou ka ranplase yo grenn pa grenn pa yon bon abitid.  Pèdi tan, distraksyon, parès oubyen renmen bagay fasil, se pi gro ènmi ki ka anpeche w fè sa.Annou konprann anvan koman yon abitid boujonnen oswa grandi. Tout abitid kòmanse ak yon1.Estimilasyon: sa ki ba w anvi pou w kòmanse fe yon bagay. Li kapab fizik, mantal oswa emosyonèl.  2.konpòtman: se reyaksyon ou genyen ak estimiliasyon sa, s...
TES PREFERANS PWOFESYONEL KUDER : Echèl Kuder nan Preferans Vokasyonèl, li sèvi pou chwazi pwofesyon
Atik, Edikasyon, Jeneral, Siperasyon Pèsonèl

TES PREFERANS PWOFESYONEL KUDER : Echèl Kuder nan Preferans Vokasyonèl, li sèvi pou chwazi pwofesyon

Gen yon moman nan lavi chak moun gen yon kote yo gen pou deside kisa yo vle dedye yo pwofesyonèlman; pou sa ou dwe premye konnen sa ou renmen. Tès preferans pwofesyonèl Kuder se yon tès ki evalye aspè sa yo.  Yon tès ki ka retire yon moun nan dout pou chwa preferans pwofesyonèl li.Tès sa a pèmèt gide elèv ak granmoun ki pa konnen ekzakteman ki sektè oswa pwofesyon yo ka pran. Nan atik sa a nou pral konnen 10 echèl ke tès la evalye, epi ki karakteristik ki pi enpòtan ladan. (more…)
TOUT MOUN KA SOUFRI YON TWOUB MANTAL
Atik, Jeneral, Lavi, Sante

TOUT MOUN KA SOUFRI YON TWOUB MANTAL

Daprè Òganizasyon Mondyal Lasante, maladi se yon chanjman oubyen yon eka ki genyen nan sa ki gen pou wè ak eta fizyolojik nan yonn oubyen plizyè pati nan kò a kote evolisyon li plizoumwen previzib. Se nan sentom ak siy karakteristik yo ou dekouvri manifestasyon li. Nan tout sosyete yo sante ak maladi se eleman diskou, alò maladi tankou tout evènman nan egzistans moun mande yon eksplikasyon, fòk yo ba li yon sans (Dominique Lecourt, 2004). Maladi lèzom soufri yo divize an de (2) gwoup. Gwoup maladi fizik ki pran nesans nan kò ak gwoup maladi mantal ki pran nesans nan lespri. Men maladi mantal yo jounen jodi a se twazyèm maladi ki pi frekan nan lemond. Yo frape tout moun, kèlkeswa laj ou, sèks ou, estati sosyal ou, nivo entèlektyèl ou ak mwayen ekonomik ou. Sèlman yo ka wè li diferan...
LANMOU OUBYEN PARAZIT EMOSYONÈL?
Atik, Fanmi, Jeneral, Lavi

LANMOU OUBYEN PARAZIT EMOSYONÈL?

Jodi a mwen vle louvri on ti lodyans sou zafè relasyon koup. Lè nou nan premye etap relasyon an, kote mesye a ap file ti fi an, yo chèche enspirasyon tout kote, pou yo ka jwenn pawòl pou yo bay ti fanm sila. Nan moman sa gason an tande anpil ti mizik  swa, li liv pwezi, tounen powèt epi a la fen  yo pral gen jan de ti pawòl konsa, ou byen ki preske sanble ak egzanp sa yo m pral mete la. Le pli souvan ou konn tande ti mesaj  tankou: ” Vi m pa gen sans san ou.’’ (more…)
TWOUB PESONALITE: NASISIK
Atik, Edikasyon, Jeneral

TWOUB PESONALITE: NASISIK

Maladi Pèsonalite yo se modèl konpòtman ki pèsiste apre yon sèten tan e yo san souplès, kidonk yo afekte fonksyonman sosyal moun nan. Nan twoub pèsonalite Nasisistik la, moun lan ekzajere enpòtans li avèk èd li ka pote oubyen siksè li nan imajinasyon l. Pou moun sa yo li trè difisil pou yo aksepte kritik epi anjeneral yo montre kòlè oswa wont anpil.Daprè DSM V (2013), kritè ki pou ranpli pou yo di yon moun gen twoub pèsonalite Nasisik la dwe:Yon modèl ki pèsistan nan grandè (nan fantezi oswa konpòtman), bezwen admirasyon ak mank de senpati ki kòmanse nan adilt ak rive nan yon varyete de kontèks, jan sa endike nan 5 oswa plis nan sa yo nou pral site yo la:Li gen yon gwo sans enpòtans pou pwòp tèt li (pa egzanp, li ekzajere reyalizasyon l, talan l, li espere rekonesans kòm yon ...
SA YON KONSOMATE KI KONSYAN DWE KONNEN SOU ZAFE TERAPI
Atik, Edikasyon, Jeneral, Lavi, Sante

SA YON KONSOMATE KI KONSYAN DWE KONNEN SOU ZAFE TERAPI

Pou moman sa gen anpil sòt de terapi ki ap ofri sou mache a. Pou yon konsomatè ka proteje epi jwenn pi bon sèvis, li dwe konnen pou l ka chwazi sa ki bon pou li a.Anpil moun pase yon pil tan ap chèche yon bon dantis pande ke lè pou yo ta chwazi yon terapet yon pa pran sa an konsiderasyon. Si ou ale kay yon dantis epi ou wè dan w ap pi mal ou ap fè yon jan pou w kite doktè sa, men gen moun malgre yo ap swiv yon terapet pou plizyè ane epi yo pa jwenn soulajman yo rete ladan.Men kèk konsèy pou chwazi yon bon terapet epi jwi de yon bon terapi:Konn kilè pou kòmanse. Si ou gen yon pwoblèm ki pèsistan epi ou pa konn kòman pou rezoud li, pwoblèm sa fè moun sa pa janm ka alèz, oubyen li gen plis ke 6 mwa, petèt li ka tan pou moun sa fè yo ede l. Bay tèt ou yon objektif. Bat pou kon...
KARAKTERISTIK YON MOUN GENYEN KI KA FÈ LÒT MOUN ENTIMIDE
Atik, Jeneral, Lavi, Siperasyon Pèsonèl

KARAKTERISTIK YON MOUN GENYEN KI KA FÈ LÒT MOUN ENTIMIDE

Ke moun nan vlel oubyen li pata vle sa, gen karakteristik yon moun genyen lakay li ki fè li ka entimide lòt moun, epi sa ka koze li rale moun sou li, oswa moun plis respekte l, oubyen dekole moun sou li tou paske lòt moun pè endividi sa. Kòm definisyon entimide snou genyen se «lè ou santi ou pè, menase oswa estrese. »Yon moun ka gentan monte nan tèt ou aprè ou fin li definisyon an, oubyen ou panse ou se yon moun konsa. Ann wè sèt (7) nan karakteristik sa yo : 1- Moun sa ka li ou fasil Kapasite entwisyon moun sa fò, epi li fòme enpresyon egzat sou lòt moun nan moman menm li rankontre yo,li pa pè di w sa w ap fè ki mal, epi lap mete w nan plas ou yon ti moman.2- Li pa nan pase wout pa bwa Se moun nou konn di ke yo dirèk yo,epi onèt. Moun ki pa nan kache ni pase plizyè chimen p...
ESTRÈS SOU TOUT FÒM LI
Atik, Edikasyon, Sante

ESTRÈS SOU TOUT FÒM LI

Sòti sou moun ki pi vanyan pou rive sou sa ki li fèb la soufri sa yo rele « estrès » lan yon moman nan vi yo. Sitiyasyon sa a ka afekte tout moun.Daprè Hans Selye, medsen otrichyen/kanadyen , "estrès " se tout repons ki pa dirèk nan òganis lan, tout evènman reyèl oswa imajinè ki bay òganis lan pwoblèm. (more…)